Operacioni i koduar “Multipower II” i Policisë së Austrisë ka çuar në arrestimin e 14 personave, pjesëtarë të një bande të trafikut të drogës, midis tyre shqiptarë nga Shqipëria e Kosova, shkruan sot Koha Ditore.
Operacioni u zhvillua nga Policia e qytetit të Grazit në një apartament të marrë me qira nga trafikantët në Deutschlandsberg, ku u gjetën edhe 180 kilogramë marihuanë dhe gjysmë kilogrami kokainë.
Shtypi austriak shkruan se operacioni i koduar “Multipower II” ka zgjatur për 1 vit dhe përfundoi me arrestimin e 14 personave. Të arrestuarit janë austriakë, gjermanë, serbë, shqiptarë nga Shqipëria e Kosova dhe boshnjakë të moshës 20-50 vjeç.
