Në gjykimin ndaj të akuzuarve për pjesëmarrje në organizatën “Syri i Popullit”, në mesin e shtatë personave të cilët sot janë dëgjuar në cilësi të dëshmitarëve ishte edhe këngëtari Ismet Behxheti.
Behxheti ishte ftuar si dëshmitar që të dëshmojë në lidhje me një shkresë në të cilën sipas Prokurorisë, organizata “Syri i Popullit” e kishte propozuar atë për drejtor të RTK-së.
Me të hyrë në sallë të Gjykatës, pasi që dëshmitari me profesion është këngëtar, atij i akuzuari Murat Jashari i kërkoi që të këndojë një këngë në mënyrë që t’i dispononte të pranishmit pas një seance të gjatë e të lodhshme.
“Ish kanë mirë që me na disponu pak, me na e këndu një këngë”, i tha dëshmitarit i akuzuari Murat Jashari.
