Së paku 59 persona janë vrarë gjatë një sulmi që ndodhi në pjesën verilindore të Nigerisë. Për këtë sulm po dyshohen xhihadistët.
Persona të armatosur u futën në një fshat të skajshëm të rajonit Borno të martën pasdite, duke lënë të vrarë dhjetëra persona, shkruan “BBC”, transmeton Gazeta Express.
Lexo Edhe:
Edhe pse pandemi, bankat në Kosovë dhanë kredi 40 milionë euro
Asnjë grup nuk e ka marrë ende përgjegjësinë për këtë sulm. Agjencia “AFP” raportoi se 59 trupa të pajetë janë gjetur në vendin e sulmit, por “Reuters” shkroi se në këtë sulm janë vrarë 69 persona.
Njëra agjenci raportoi se militantët e kryen këtë sulm pasi dyshuan se banorët e fshatit kishin ofruar të dhëna për forcat e sigurisë rreth lëvizjeve të grupit, ndërsa tjetra tha se xhihadistët janë vrarë nga banorët lokalë, të cilët mundoheshin t’i mbronin gjedhet.
Ndonëse nuk është e qartë kush qëndron prapa këtij sulmi, grupi “Boko Haram” dhe një grup tjetër që lufton nën parullën e ISIS-it kanë kryer sulme vdekjeprurëse në pjesën verilindore të Nigerisë në të kaluarën.
Grupi famëkeq “Boko Haram”, i cili nxiti reagime të shumta globale në vitin 2014, kur i kishte rrëmbyer 270 nxënëse në Borno, është gjithashtu aktiv në Çad, Niger dhe Kamerun.
Në mars të këtij viti, militantët e këtij grupi i vranë në pritë së paku 47 ushtarë nigerianë para se t’i vrisnin gati 100 ushtarë të tjerë në Çad një ditë më pas.
