Tifozi i ekipit të njohur serb është në mesin e të arrestuarve sot nga forcat speciale të policisë së Kosovës
Një prej katër serbëve të arrestuar sot në mëngjes gjatë aksionit të ROSU-së në veri të Mitrovicës është Marko Rosiq, një prej liderëve të tifozëve të Partizanit të Beogradit.
Policia e Kosovës ndërkohë ka konfirmuar për lajmi.net se aksioni ka të bëjë me vrasjen e Oliver Ivanoviqit.
Portali serb “Telegraf” raporton se tifozi i ekipit të njohur serb është në mesin e të arrestuarve sot nga forcat speciale të policisë së Kosovës, transmeton lajmi.net.
Së bashku me të janë arrestuar edhe Nedeljko Spasojeviq, Dragisa Markoviq dhe Sasa Çurçiq. /Lajmi.net/
