Rita Ora dhe Ledri Vula do të këndojnë për 10-vjetorin e Pavarësisë së Kosovës në Prishtinë.
Këshilli organizativ i koncertit, ka shpalosur programin për festimin në këtë ditë të veçantë.
Kryesuesi i Këshillit Organizativ Ardian Arifaj, këshilltar i presidentit Hashim Thaçi, ka thënë se ka qenë një punë intensive e përbashkët e të gjitha institucioneve për ta përgatitur një program sa më të pasur për këtë jubile të parë të shtetit të Kosovës.
Në këtë konferencë ka folur edhe Luan Maloku nga Zyra e Zëvendëskryeministrit, Fatmir Limaj.
Ai ka treguar se në koncertin e së shtunës, të 17 shkurtit, do të performojë ylli botëror i muzikës, kosovarja Rita Ora.
Po ashtu, Maloku ka thënë se bashkë me Ritën, të shtunën do të këndojë edhe ylli kosovar i muzikës, Ledri Vula.
Maloku ka thënë se Rita pritet të performojë në sheshin “Nënë Tereza” në Prishtinë pas orës 22:00.
