Presidenti i vendit Hashim Thaçi, pasi ka bërë homazhe pranë varrit të ish presidentit historik të Kosovës, Ibrahim Rugova, në 11 vjetorin e vdekjes së tij, ka lënë edhe një shënim në facebook.
Në kujtim të paraardhësit të tij, presidenti Thaçi e ka kujtuar Rugovën, në këtë ditë, për kontributin e jashtëzakonshëm për shtetin e Kosovës.
Ky është postimi i plotë i Thaçit:
“U bënë 11 vjet nga vdekja e presidentit Rugova, prijësit të lëvizjes politike që shënoi vitet e nëntëdhjeta.
Orientimi politik nga vlerat perëndimore, këmbëngulja për lirinë, demokracinë dhe pavarësinë e Kosovës janë vlera madhore të mendimit dhe angazhimit të tij politik.
Me veprimtarinë politike dhe intelektuale, me rezistencën e tij paqësore, presidenti Rugova dha kontribut të jashtëzakonshëm për shtetin e Kosovës.”
