Ish deputeti i Kuvendit të Kosovës nga Lëvizja Vetëvendosje , Rexhep Selimi ka deklaruar në Agjensionin Anti-Korrurrupsion pasuri prej 216 mijë e 655 euro.Selimi ka deklaruar patundshmëri në vlerë prej 184 mijë euro.
Prej tyre, ai ka deklaruar dy banesa nën pronësinë e tij në vlerë prej 156 mijë euro, ku njëra prej tyre, sipas deklarimit, figuron të jetë me 300 metra katrorë dhe në vlerë prej 120 mijë euro.
Ndërsa ka deklaruar tokë bujqësore trashëgimi nga prindërit 13 mijë euro si dhe truall po ashtu të trashëguar nga prindërit 15 mijë euro, e që janë të përbashkëta. Selimi ka deklaruar edhe dy vetura.
Veturë Golf 6 në pronësinë e tij, të deklaruar në vlerë prej 8 mijë euro dhe veturën e bashkëshortes, SAAB prej 6 mijë euro. Ish deputeti nuk ka deklaruar letra me vlerë e as para të gatshme të mbajtura në banka vendore. Megjithatë, Selimi ka deklaruar tek të hyrat pagën vjetore si deputet që kap shumën pre 18 mijë e 655 euro. Në vitin 2016, Selimi ka deklaruar pasuri prej 212 mijë e 600 euro./kp
http://www.akk-ks.org/declaration/2017/Kuvendi/Rexhep_Selimi.pdf
