Pas vendimit të Gjykatës së Apelit, ku është konfirmuar dënimi që ka dhënë Gjykata Themelore e Mitrovicës më 15 maj të vitit 2015 ndaj të akuzuarave në rastin e njohur si “Drenica II”, ka reaguar ish anëtari i Shtabit të Përgjithshëm të UÇK-së, Rexhep Selimi.
Ai përmes një postimi në Facebook ka shkruar se kjo paska qenë rruga e tyre, nga prita në pritë, nga sfida në sfidë.
“Sylë, je më i madh se çdo lloj dënimi! Nga prita në pritë, nga sfida në sfidë. Kështu paska qenë rruga jonë!”, ka shkruar Selimi, ku ka vendosur një foto me Sylejman Selimin me uniformat e TMK-së.
Apeli ua ka konfirmuar dënimin edhe dy vëllezërve tjerë Zeqir dhe Jahir Demaku me nga 6 vjet burg, Isni Thaçit me 6,5 vjet burg, Sylejman Selimit ia kanë zvogëluar një vit burg në 7 nga 8 që ishte dënuar si dhe vëllezërve Demaj, Bashkim, Driton, Selman dhe Agim Demaj me tri vjet burg, transmeton KosovaPress.
Të gjithë këta janë dënuar për krime lufte në rastin e njohur si “Drenica II”, transmeton KosovaPress.
