Renzi: Britanikët nuk do të kenë më shumë të drejta se të tjerët jashtë BE-së

Kryeministri Italian, Matteo Renzi ka thënë se është e pamundur që marrëveshja për largimin e Britanisë nga Bashkimi Evropian, t’i japë më shumë të drejta britanikëve, se të tjerëve që janë jashtë BE-së.

Në një intervistë për BBC, ka thënë se lënia e Bashkimit Evropian është proces shumë i vështirë, por problemet nuk mund të zgjidhen deri në momentin kur Mbretëria e Bashkuar të fillojë procedurat e daljes, transmeton KosovaPress.

Sipas tij, vendimi për largimin e Britanisë nga BE ishte i gabuar, por ai do të respektohet si i tillë./KP