Mediat amerikane sot kanë dënuar, duke e quajtur të papranueshëm dhe fyerje ndaj idealeve demokratike, vendimin e Shtëpisë së Bardhë për të ndaluar pjesëmarrjen e disa mediave, përfshirë CNN-in dhe New York Times, për të marrë pjesë në konferencë përditshme për gazetarë në Shtëpinë e Bardhë, raporton AFP.
Shtëpia e Bardhë dje ua ka ndaluar hyrjen disa mediave, CNN, New York Times, BBC, Los Angeles Times, ndërsa u është lejuar qasja mediave konservatore.
Ndalimi i pjesëmarrjes së mediave në konferencë, i cili veprim nuk ka ndodhur më parë, ashpërson edhe më tej “luftën” mes Presidentit Donald Trump dhe mediave, i cili nuk ka kursyer kritikat e ashpra ndaj mediave. Ai në disa raste nuk ka pranuar t’u përgjigjet gazetarëve të disa mediave, përfshi atë të CNN-in, duke u thënë se publikojnë lajme të pavërteta./KosovaPress/
