Kryetari i Kuvendit të Shqipërisë, Ilir Meta ka pasur një bisedë telefonike me ish-kryeministrin e Kosovës, Ramush Haradinaj, pas vendimit të gjykatës në Francë për ta liruar me kusht liderin e Aleancës për Ardhmërinë e Kosovës.
Sipas zyrës së shtypit pranë Kuvendit, Haradinaj e falënderoi kryetarin e Lëvizjes Socialiste për Integrim për solidaritetin dhe mbështetjen e treguar.
Nga ana e tij, edhe Kryetari i Kuvendit Meta i shprehu mbështetjen në vazhdim.
Një ditë më parë në Tiranë të rinj të Lëvizjes Rinore për Integrim së bashku me forume të partive të tjera politike protestuan paqësisht para ambasadës franceze në kryeqytetin shqiptar për të kërkuar lirimin e Haradinajt dhe rikthimin e tij në Kosovë.
Tags:Ramush Haradinaj
