Kryeministri Edi Rama çeli rubrikën e tij “Mirëmëngjes” me Liqenin e Ohrit për një mundësi ndryshe të turizmit.
Në statusin e tij, kryeministri Rama shprehet: “MIRËMËNGJES ? dhe me këto mundësi të turizmit ndryshe në Liqenin e Ohrit, ju uroj një ditë të mbarë?”.
Po ashtu, kryeministri Rama poston një video promocion të një bashkëpunimi e partneriteti publik e privat, duke i kushtuar një rëndësi të veçantë ngritjes së urave të bashkëpunimit mes sektorit të shoqërisë civile dhe sektorit privat, ku Partnerët Shqipëri do të organizojnë gjatë muajit shtator “OJF – Biznes speed-dating”.
Ky event do të shërbejë për njohjen e punës së organizatave të shoqërisë civile dhe shërbimeve të tyre, si dhe identifikimin e mundësive konkrete të partneritetit me biznesin për ofrimin e këtyre shërbimeve, thuhet nga “OJF – Biznes speed-dating”, qe vë në dispozicion edhe lingun- http://bit.ly/2ëAgNyn! Mirëpresim aplikimet tuaja brenda datës 6 shtator 2017!
Partnerët Shqipëri prej një viti po zbaton një prej nismave më inovatore në drejtim të zhvillimit të kapaciteteve të OJFve (që veprojnë në fushën e demokracisë, shtetit të së drejtës dhe qeverisjes së mirë, respektimit të të drejtave të njeriut etj), për të identifikuar modele të reja biznesi në funksion të gjenerimit të të ardhurave, duke siguruar qëndrueshmëri financiare e pavarësi nga burimet e zakonshme të financimit, për një impakt më të madh në komunitetet ku veprojnë.
Përvec një serie programesh trajnimi, konsulence dhe mentorimi afatgjatë mbi adoptimin e modeleve të përshtatshme të biznesit për të rritur e diversifikuar të ardhurat, Partnerët Shqipëri do t’i kushtojë një rëndësi të veçantë ngritjes së urave të bashkëpunimit me sektorin privat për njohjen e punës së organizatave të shoqërisë civile dhe shërbimeve të tyre, si dhe identifikimin e mundësive konkrete të partneritetit për ofrimin e këtyre shërbimeve.
Ky aktivitet mbështetet nga Zyra e Marrëdhënieve me Publikun e ambasadës së Shteteve të Bashkuara në Tiranë.
