Kryeministri i Shqipërisë, Edi Rama e ka kujtuar në 72 vjetorin e lindjes Presidentin e Kosovës, Ibrahim Rugova, të cilin e vlerësoi një “pjetër”- gur këndor, në ndërtimin e Kosovës së lirë.
Në robrikën e përditshme AMARCORD, Rama ka shkruar se Ibrahim Rugova do të kishte dashur të mbetejë në kujtesë parësisht si publicisti i palodhur, njohësi i thellë e i pazëvendësueshëm i letërsisë së hershme shqipe.
Shkrimi i plotë i Ramës:
Në 72 vjetorin e lindjes së tij, Heroi i Kosovës, Ibrahim Rugova, mund të përkujtohej me një mori fotosh apo klishe që shfaqin burrin e madh të Kosovës, kërkuesin e paepur gandian të mëvetësimit të Kosovës.
Mbase, po kjo është veç një hamendje, i madhi Ibrahim Rugova do të kishte dashur të mbetej në kujtesë parësisht si publicisti i palodhur, njohësi i thellë e i pazëvendësueshëm i letërsisë së hershme shqipe në përgjithësi dhe kontributit të Bogdanit në veçanti, emrin e lindjes së të cilit, Pjetër, e përvetësoi si emrin e tij të amshimit.
Ibrahim Rugova mbetet një “pjetër”- gur këndor, në ndërtimin e Kosovës së lirë, të pavarur mbi rrënjët e saj humaniste dhe shpirtërore.
I paharruar kujtimi!
