Presidenti rus Vladimir Putin i ka thënë të martën emirit të Katarit, sheikut Tamim bin Hamad al-Tani, se vendi i tij konsideron se situata e krizës me vendet arabe që kanë ndërprerë marrëdhëniet politike me Katarin duhet të zgjidhet me mjete politike dhe diplomatike “në dialog”, njoftoi Kremlini.
Putin dhe Al-Tani në bisedën telefonike diskutuan edhe për bashkëpunimin ndërmjet dy shteteve, para së gjithash në sferën e ekonomisë, tregtisë dhe investimeve, transmeton Reuters.
