I nisur një dekadë më parë, filmi “Dashuria e bjeshkëve të nemuna”, me regji të Ekrem Kryeziut, ka lansuar trailerin e pjesës së tretë të filmit, shkruan KultPlus.
Një film që po e ndjek vazhdimësinë e bashkë me të edhe mesazhin e traditës dhe kulturës që sjell zona e bjeshkëve shqiptare. I nisur një dekadë më parë filmi “Dashuria e bjeshkëve të nemuna”, me regji të Ekrem Kryeziut, së shpejti vjen me pjesën e tretë.
Tashmë është lansuar edhe trileri i filmit, ku mund të shihen disa sekuenca të cilat të japin përshtypjen që diçka e mirë po vjen.
Ndonëse shumica e kastës së aktorëve ka ndryshuar, personazhi bosht i këtij filmi vazhdon të mbetet Diellza Kolgeci. Në këtë pjesë vjen si prurje e re modelja Aurora Hoxha teksa Florian Agalliu rikonfirmohet në rol filmik.
Xhirimet e filmi të tretë “Dashuria e bjeshkëve të nemuna”, përveç në Rugovë, janë realizuar edhe në Prishtinë, Tiranë, Itali e Zvicër.
“Dashuria…”, do të sjellë shumë aksion e mister kësaj radhe.
