Ministri i Shëndetësisë, Uran Ismaili, ka thënë sot se përmes forcimit të kujdesit primar do të synohet që shërbimet cilësore të arrijnë sa më afër qytetarëve, pavarësisht vendbanimeve ku ata jetojnë.
Ai gjatë takimit me drejtorët e Qendrave Kryesore të Mjekësisë Familjare në nivel vendi kërkoi nga drejtorët e QKMF-ve që të krijojnë një listë të prioriteteve, për të cilat Ministria do të mundë t’u ndihmonte me fonde.
Në anën tjetër, drejtorët e QKMF-ve e vlerësuan fillimin e këtyre takimeve me ministrin Ismaili, përmes të cilave ata thanë se do të arrijnë deri te plotësimi i nevojave të tyre.
Ndryshe, qëllimi i këtij takimi, përveç rolit njoftues me problematikat dhe nevojat e kujdesit primar shëndetësor, ishte edhe krijimi i urave të bashkëpunimit dhe evidentimit të mënyrave se si Ministria do të mundë t’i ndihmojë ato.
