Tre persona kanë mbetur të lënduar nga dy aksidente të ndryshme që kanë ndodhur minuta me parë në autostradën “Ibrahim Rugova”.
Raportohet se nga aksidenti i parë kanë mbetur të lënduar dy persona.
Bajram Krasniqi, zëdhënës i Policisë në Rajonin e Prishtinës, ka thënë për se dy automjete janë përfshirë në këtë aksident dhe dy persona janë lënduar.
“Aksidenti ka ndodh në autostradë, në ora 14:32, në km e 37 Prishtinë-Prizren, janë të përfshira tri vetura, janë të lënduar tre persona”, ka thënë Krasniqi.
Ndërsa në aksidentin e dytë një person është goditur nga vetura, ku edhe ka pësuar lëndime trupore.
Këtë e ka konfirmuar zëdhënësi i Policisë së Kosovës, Daut Hoxha.
“Rreth ore 14:30, në autostradën “Ibrahim Rugova” kilometrin 37 , Duhel -Suharekë është raportuar një aksident trafiku me lëndime trupore ku kanë qenë të përfshira një automjet dhe një person. Njësia për menaxhim të autostradës ka ndërmarr veprimet e nevojshme policore sipas procedurave të parapara”, ka thënë Hoxha
