Një person ka vdekur në një aksident trafiku në magjistralen Prishtinë-Pejë, më saktësisht te Kroni i Mbretit.
Ndërsa, lajmin për vdekjen e këtij personi për FaktePlus e ka konfirmuar edhe Policia e Kosovës.
“Një person ka vdekur. Vdekja e tij është konfirmuar nga ekipet mjekësore në vendin e ngjarjes si dhe një person tjetër është lënduar”, ka thënë major Luljeta Mehmeti.
Ajo ka thënë se aksidenti ka ndodhur rreth orës 11:20.
Sipas saj, këto janë të dhënat deri më tani, ndërsa ekipet policore janë duke u marrë me aksidentin.
FaktePlus ka siguruar edhe fotografi dhe video nga momenti i aksidentit./FaktePlus
