Pa marrë parasysh gjendja politike në vendin tonë, vëmendja e qytetarëve ishte në nivel të lartë gjatë gjithë javës edhe në vetëdijesimin për një komunikacion rrugor më të sigurt.
Java e katërt për siguri globale rrugore e kombeve të bashkuara këtë vit në Kosovë u shënua, duke filuar nga 7 maj, deri më sot. Aktivitetet e shumta në vetëdijesimin e qytetarëve janë realzuar gjatë një jave në vende të ndryshëm të Kosovës.
Koordinatore e aktiviteteve, Genta Xheladini, tha se ishte një agjendë goxha e ngjeshur brenda këtyre shtatë ditëve por me rezultate të mira në vetëdijesimin e qytetarëve në komunikacionin rrugor.
Xheladini: Vëmendja e qytetarëve ka qenë në nivelin e duhur
(Video)
“Pa marrë parasysh gjendjes politike e cila ka mbizotëruar këto ditë në vendin tonë, vëmendja e mediave do të thotë edhe e qytetarëve në përgjithësi ka qenë në nivelin më të lartë, prandaj iu falënderojmë për bashkëpunim”, ka thënë ajo.
Zyrtari i Këshillit për siguri në komunikacionin rrugor, Aber Zhitia, tha se Ministria e Infrastrukturës, konkretisht departamenti i këshillit për siguri në komunikacionin rrugor në Kosovë gjatë javës së sigurisë por edhe gjatë gjithë muajit maj ka mbajtur aktivitete të shumta, duke filluar nga shkollat fillore dhe shpërndarjen e fletëpalosjeve të cilat shërbejnë si rrugë e sigurtë për fëmijët e vendit.
Zhitia: Është duke u bërë edhe një hulumtim për njohuritë elementare të fëmijëve (Video)
“Është duke u bërë edhe një hulumtim për njohuritë elementare të fëmijëve rreth trafikut në të cilat frekuentojnë prej shtëpisë deri në shkollë dhe trafiku të cilët iu bjerë të ecin me prindërit e tyre apo me shoqërinë e tyre. Gjatë kësaj jave të sigurisë, Ministria e Infrastrukturës është duke bërë hulumtime rreth ulëses së fëmijëve se sa është e natyrshme të përdorë ulësen e fëmijëve, sa e vëjnë rrypinë e sigurisë kur ata janë duke ngasur veturat e tyre. Gjatë kësaj jave të sigurisë por edhe në muajt e sigurisë është duke u shpërndarë deri në fund të muajit prej 150 mijë fletëpalosje për nxënësit e shkollave fillore”, tha ai.
Aktivitete të tilla pritet të vazhdojnë në vetëdijesimin e qytetarët dhe zvogëlimin e nurbut të aksidenteve në komunikacionin rrugor./kp
