Shkollat, kolegjet dhe objektet e tjera publike në Republikën e Irlandës do të mbyllen pas shpërthimit të koronavirusit.
Kështu bëri të ditur sot, kryeministri irlandez, Leo Varadkar, i cili tha se vendimi do të hyj në fuqi nga sot në ora 18 :00 deri me 29 mars.
Ai po ashtu tha se do të anulohen mbledhjet dhe tubimet masive. Kryeministri po ashtu tha se aty ku është e mundur të punohet në distancë, njerëzit duhet ta bëjnë këtë.
Vdekja e parë nga koronavirusin është regjistruar në Irlandë ditën e djeshme, shkruan BBC, transmeton lajmi.net.
Viktima, një grua e moshuar, ndërroi jetë në një spital në Dublin, ku ishte duke u trajtuar për Covid-19. Pacientja ishte në një gjendje të rëndë shëndetësore dhe ajo ishte shtruar në spital disa ditë më parë.
Kryeministri Varadkar tha që shkollat, kolegjet dhe objektet e kujdesit për fëmijët do të mbyllen nga dita e premte.
Ai po ashtu tha që dyqanet duhet të mbeten të hapura dhe transporti publik do të vazhdojë të funksionojë.
