Këshilli për Siguri Kombëtare në Ukrainë njoftoi se gjatë 24 orëve të kaluara në këtë shtet janë regjistruar 4.753 raste të reja të koronavirusit.
Kjo është shifra më e lartë e rasteve ditore në shtetin e Evropës Lindore që nga fillimi i pandemisë.
Rekordi i mëparshëm prej 4.661 rastesh u shënua gjithashtu këtë muaj, para vetëm katër ditëve, më 3 tetor, shkruan The Guardian, transmeton Gazeta Express.
Përpos infektimeve, gjatë kësaj periudhe u regjistruan edhe 77 viktima të reja dhe numri i përgjithshëm i të vdekurve shkoi në 4.598. Ndërkohë shifra e personave të infektuar ka shkuar në 239.337, që është një ndër më të lartat në Evropë.
Numri i rasteve ditore në Ukrainë filloi të rritej në mbi 4.000 në fund të shtatorit dhe në fillim të tetorit, duke e shtyrë qeverinë që ta zgjasë afatin e masave kufizuese deri në fund të këtij muaji.
