Një tërmet ka goditur Italinë qendrore të mërkurën në mëngjes, pasuar nga një seri dridhjesh, kanë njoftuar gjatë ditës mediat e huaja.
Po sipas tyre, përcjell Telegrafi, epiqendra e tërmetit ishte vendosur rreth 76 kilometra në juglindje të qytetit të Perugia dhe vetëm 126 kilometra në veri të kryeqytetit, Romës, qyteti më i madh dhe më i populluar në rajon me 2.6 milionë banorë.
Disa qytete të vogla dhe fshatra janë dëmtuar rëndë nga tërmeti.
“Të paktën 38 persona janë vrarë, por numri i të vdekurve mund të rritet”, kanë thënë zyrtarët.
