Deputeti nga radhët e Aleancës për Ardhmërinë e Kosovës, Pal Lekaj, ka shkruar se kryeministri Isa Mustafa, nuk i është përgjigjur ftesës së tij, që të vizitojë tokat, në të cilat thonë se ka hy Mali i Zi.
Sipas Lekaj, një gjë të tillë, nuk e ka bërë kryeministri, për shkak se e ka ditur që e vërteta është në anën e tyre, transmeton KosovaPress.
Ai së bashku me kryetarin e kësaj partie, Ramush Haradinajn dhe shumë qytetarë kanë vizituar atë pjesë, ku kanë parë një pankartë me mbishkrimin: “Trimat e Rugovës që ranë për këtë atdhe dhanë jetë e gjakë. Jua vazhdojmë amanetin për mbrojtjen e kësaj toke. Lavdi të gjithë qytetarëve që dhanë jetën për Shqiptari. Rroftë UÇK-ja, në krye me gjeneralin Ramush Haradinaj”.
Lexojeni të plotë reagimin e deputetit Pal Lekaj:
Kryminister lexoje ketë mbishkrim që e kan shkruar Rogovasit
Kryeministër, edhe pse para disa ditesh të ftova që të shkojmë bashkë për të parë se deri ku ka hy Mali i Zi me miratimin e komisionit dhe tuajin, në tokat tona. Ju, duke e ditur se e vërteta është në anën tonë, nuk u përgjigjet.
Dje ishte njëra ndër shumë ditët më plotë argumente se, Kosova ka humbur mbi 8000 hektarë tokë. E këtë e hasëm gjatë vizitës me kryetarin Haradinaj, deputetë dhe shumë qytetarë që i bëmë atyre bjeshkëve të brezit kufitar.
Ja, po ti ofrojmë disa nga ato argumente.
