Zëvendëskryeministri i parë, njëherësh shefi i diplomacisë së Kosovës, Behgjet Pacolli, ka thënë se zgjedhjet e nesërme në Gjermani janë mjaft të rëndësishme për popullin e këtij shteti.
Ai përmes një statusi në Facebook i ka uruar suksese kancelares Angela Merkel në zgjedhjet e nesërme.
Postimi i plotë:
Nesër është një ditë e rëndësishme për Gjermaninë dhe BE. Dëshiroj më të mirën për popullin gjerman. Gjithashtu i uroj fat, kancelarës Merkel.
Ndryshe, të dielën në Gjermani 61.5 milionë votues me të drejtë vote do të zgjedhin përbërjen e re të Parlamentit gjerman. Kancelarja aktuale Angela Merkel ka hyrë në garë për të fituar mandatin e katërt me radhë.
