Policia ka arrestuar në Kamenicë një person i cili kishte lejuar prezencën e shumë personave në lokalin e tij ku nuk ishte mbajtur distanca fizike
Rasti ka ndodhur mbrëmjen e së dielës në Kamenicë, njofton policia.
“Është arrestuar i dyshuari mashkull kosovar pasi që njësiti policor në lokalin e tij kishte vërejtur prezencën e shumë personave të cilët nuk kanë qenë duke e mbajtur distancën sociale dhe nuk kanë respektuar vendimin e Qeverisë lidhur me virusin Covid-19”, ka bërë të ditur policia në raportin 24 orësh.
Lidhur me rastin është njoftuar prokurori i cili ndaj të dyshuarit ka lëshuar aktvendim dhe i njëjti është dërguar në mbajtje. /Lajmi.net/
