Një pjesë e strukturave të MPB-së i kanë shkaktuar dëm të madh shtetit. Ajo që ndodhi të enjten ishte një e keqe e madhe.
Kështu është shprehur ministri i Punëve të Brendshme të Maqedonisë Agim Nuhiu në një konferencë për media të mërkurën.
Ai ka bërë të ditur se e ka dorëzuar kërkesë deri tek Qeveria përmes së cilës kërkon shkarkimin e Mitko Çavkovit edhe nga posti i drejtorit të DSK-së.
“Dua të njoftoj opinionin se kam formuar grup punues i përbërë nga njerëz profesionistë të cilët duhet të konfirmojnë se shtabi operativ ka punuar në pajtim me ingerencat apo ka pasur lëshime. Konkluzat nga ky grup i punës do ti dorëzohen Prokurorisë Publike”, tha Nuhiu.
Ndërkohë njoftoi se ka emëruar Gornaço Savovski, për drejtor të shtabit operativ.
