I deleguari i presidentit amerikan, Donald Trump, për ndërmjetësim në dialogun Kosovë – Serbi, Richard Grenell vjen sot në Kosovë.
Siç njofton Presidenca e Kosovës, ambasadori Richard Grenell do të takohet me presidentin e Republikës së Kosovës, Hashim Thaçi.
Takimi do të zhvillohet në kabinetin e presidentit Thaçi në ora 13:00.
Grenell, që është ambasador i Shteteve të Bashkuara të Amerikës në Gjermani, ka marrë detyrën e re nga presidenti Donald Trump, vetëm para dy jave.
Presidenti Trump e zgjodhi Grenellin të dërguar të administratës së tij në dialogun midis Kosovës dhe Serbisë.
