Një aksident i rëndë që ka ndodhur mbrëmë rreth orës 23:20, ka rezultuar deri tash me një viktimë.
Viktima është i riu Butrint Bajrami, 20 vjeçar nga Podujeva. Këtë informacion e kanë konfirmuar familjarët dhe shokët nëpërmes rrjetit social “Facebook”.
Lajmin për këtë e ka konfirmuar edhe zëdhënësja e Policisë së Rajonit të Prishtinës, Flora Ahmeti.
“Një aksident ka ndodhur në mes të dy veturave në magjistralen Prishtinë-Podujevë, saktësisht në fshatin Sekiraq. Me këtë rast një person i lindur në vitin 1996 ka ndërruar jetë, ndërsa 3 të tjerë kanë mbetur të lënduar. Viktima është mashkull, me iniciale B.B, trupi i pajetë i të cilit është dërguar për obduksion”, ka theksuar ajo.
Ahmeti ka bërë të ditur se 3 të lënduarit janë dërguar për tretman mjekësor.
