Hulumtimet e reja kanë gjetur se gjumi me cilësi më të mirë është i lidhur me aktivitetin e reduktuar në rajonet e trurit të implikuar me frikën.
Çrregullimet e gjumit lidhen me një cilësi më të ulët të jetës në përgjithësi dhe shpesh shoqërohen me një varg çrregullimesh të shëndetit mendor, përfshirë depresionin dhe ankthin, transmeton Indeksonline.
Kushte të tjera, të tilla si epilepsia, gjithashtu janë shoqëruar me pagjumësi dhe një studim i kohëve të fundit i mbuluar nga “Medical Neës Today” sugjeron se mund të ketë një marrëdhënie shkakore midis çrregullimeve të gjumit dhe ADHD.
Procesi i mësimit të frikës është mekanizmi përmes të cilit përpiqemi të parashikojmë ekspozimin ndaj situatave kërcënuese, në mënyrë që të reagojmë në mënyrë të përshtatshme për të ruajtur sigurinë tonë.
Hulumtuesit u nxitën të zhvillonin studimin e tyre duke hulumtuar ekzistencën në lidhje me marrëdhëniet midis çrregullimit të stresit post traumatik (PTSD) dhe çrregullimeve të gjumit.
Në studimin e tyre, Dr. Lerner dhe kolegët e tij i kërkuan pjesëmarrësve të cilët ishin 17 studentë të shëndetshëm të Rutgers University, prej të cilëve pesë ishin femra, të monitoronin aktivitetin e tyre të trurit gjatë gjumit për rreth 1 javë.
Studiuesit zbuluan se ata që kaluan më shumë kohë në fazën e lëvizjes së shpejtë të syve (REM), e cila është e lidhur me ëndërrimin, gjithashtu kishin aktivitet të zvogëluar, si dhe zvogëlim të lidhjes me frikën./Indeksonline/
