Mali i Zi dhe Kosova, sipas agjencisë serbe të lajmeve, Beta, do të bëjnë shkëmbimin e ambasadorëve në fillim të shtatorit të sivjetshëm.
Po sipas këtij burimi, presidenti i Kosovës, Hashim Thaçi, për ambasador në Mal të Zi ka caktuar Skënder Durmishin, i cili këtë funksion më herët e ka kryer në Belgjikë, Maqedoni dhe Austri.
Aktualisht Durmishi është drejtor i Akademisë Diplomatike të Ministrisë së Punëve të Jashtme të Kosovës.
Presidenti i Malit të Zi, Filip Vujanoviq, po ashtu ka emëruar Ferhat Dinoshën ambasador në Mal të Zi. Ai kreu detyrën e ambasadorit të këtij vendi në Shqipëri.
Sipas medieve serbe, shkëmbimi i ambasadorëve qe kushtëzuar nga Mali i Zi me përfshirjen e malazezëve në Kushtetutën e Kosovës./koha.net/
