Rruga e cila gjendet në zonën industriale Prishtinë- Fushë Kosovë do të zgjerohet edhe për një korsi, ku do të përfshihet edhe shtegu i biciklistëve.
Ndërsa punëtorët të cilët janë duke punuar në rikonstruimin e rrugës gjenden aty edhe në orët e vona të natës.
Ka 10 ditë që kompania që po e kryen punën ka caktuar edhe turnin e dytë për punëtorët e vet që punojnë nga ora 17:00 deri në 24:00.
Për më tepër menaxheri i këtij projekti, Fatmir Fejzullahu, ka deklaruar që puna gjatë natës është më efikase.
Afati për përfundimin e punëve është 200 ditë./Klan Kosova/
