Kryeministri Isa Mustafa, priti mëngjesin e sotëm në takim ekspertin amerikan të çështjeve politike në Ballkan, Daniel Serwer.
Nga një komunikatë për media nga kryeministria, bëhet e ditur se gjatë takimit u bisedua për proceset aktuale në Kosovë dhe për zhvillimet në rajon dhe më gjerë.
Kryeministri Mustafa ka shprehur fokusimin e plotë të Qeverisë në avancimin e shtetësisë dhe subjektivitetit ndërkombëtar, duke adresuar po ashtu proceset e rëndësishme shtetërore që lidhen me sovranitetin, lëvizjen e lirë të qytetarëve në vendet e BE-së, transformimin e FSK-së në Forcë të Armatosur, e të tjera.
Nga ana tjetër, Daniel Serwer ka vlerësoi progresin në Kosovë duke përgëzuar kryeministrin për menaxhimin e suksesshëm të çështjeve të rëndësishme shtetërore që janë zhvilluar në Kosovë, deri më tani. /KosovaPress/
