Vendi ynë do të jetë nën ndikimin e masave të ajrit me presion të ndryshueshëm atmosferik, ka njoftuar IHMK-ja.
Sipas Institutit Hidrometeorologjik të Kosovës, në këto kushte do të mbajë mot me diell dhe vranësira të cilat ditën e martë vende-vende kanë mundësi të shoqërohen me reshje shiu dhe shkarkime rrufesh.
Temperaturat minimale do të lëvizin ndërmjet 11-14 gradë Celsius, kurse maksimalet e ditës parashihen të lëvizin ndërmjet 25-31 gradë Celsius.
Shtypja atmosferike do të ketë luhatje nën vlerat e normales.
Indeksi UV mbetet i lartë në orët me diell (të hënën në orët e mesditës). Do të fryjë erë kryesisht nga juglindja me shpejtësi mbi 11m/s./KosovaPress/
