Deputeti i Vetëvendosjes Dardan Molliqaj nëpërmjet një postimi në Facebook ka thënë se nesër Gjykata e Apelit e ka mundësinë që të dëshmojë se jo të gjitha nivelet në sistemin e drejtësisë në Kosovë janë të kapura nga klanet e korruptuara politike.
Procesin ndaj katër aktivistëve të dënuar të VV-së Molliqaj e ka quajtur të montuar dhe politik.
Postimi i Dardan Molliqajt:
Nesër mbahet seanca në Gjykatën e Apelit për aktivistët tonë të cilët u arrestuan dhe u dënuan pa asnjë fakt të vetëm.
Nesër Gjykata e Apelit e ka mundësinë ta dëshmoj se jo të gjitha nivelet në sistemin e drejtësisë në Kosovë janë të kapura nga klanet e korruptuara politike.
Procesi i montuar politik ndaj Adeas, Atdheut, Egzonit dhe Frashërit do të duhej të merrte fund nesër. Duke besuar në pafajësinë e plotë të aktivistëve, shpresoj që Gjykata nesër vendosë drejtë dhe i liron ata.
