Komiteti komunal i Gjilanit për menaxhimin dhe parandalimin e përhapjes së COVID-19, nën udhëheqjen e drejtorit për Shëndetësi, Selami Xhemaili, ka mbajtur të premten mbledhjen e radhës për vlerësimin e situatës së përballjes me virusin.
“Drejtori Xhemaili ka bërë të ditur se aktualisht Gjilani ka aktualisht 271 raste aktive, teksa në emër të Komitetit ka apeluar të gjithë qytetarët që t’i respektojnë masat anti – COVID-19, që është bartja e maskave, respektimi i distancës dhe pastrimi i duarve”, thuhet në njoftimin për media.
Që nga fillimi i pandemisë në Gjilan janë konfirmuar 1552 raste pozitive, 1229 të shëruar, 271 raste aktive, 52 të vdekur, 28 në hospitalizim dhe 163 mostra në pritje.
