Sa herë që në Kosovë ka situata të tensionuara, Hashim Thaçi pretendon ta sheh vetën si njeri që i zgjidh të gjitha telashet. Këtë e ka treguar edhe në situatën e fundit kur tentoti ta praqitste se ai e ndali të ashtuquajturin treni Rusë. Dalja në krye të negociatave në Bruksel dhe veprimi tjetër për trenin, nga njohësit e çështjeve politike në vend po shihet si tendencë e tij për protagonizëm.
Opinionisti Halil Matoshi për Gazetën Monitor ka deklaruar se në Kushtetutën e vendit janë të përcaktuara mirë detyra, përgjegjësit dhe obligimet e një presidenti, dhe si të tilla edhe duhet të mbeten.
E në raste të tjera, kur angashkalohen këto atribute që ka një president, atëherë sipas tij flitet për diçka tjetër.
“Presidenti e ka rolin e vet kushtetues dhe atributet që ia jep Kushtetuta e Republikës si garantues i unitetit të popullit dhe i funksionimit demokratik të sistemit dhe paraqitjet e tij në publik duhet shikuar ne këtë kontekst. Por se nëse Presidenti përdor retorika të forta nacionaliste dhe populliste atëherë mund të flitet për protagonizëm”, ka thënë Matoshi.
Matoshi i prerë në qëndrimet e tij ka thënë se vendit i duhet një president i urtë e i qetë, e jo një personalitet agresiv.
“Kosovës i duhet një President i urtë dhe i qetë, jo një personalitet agresiv dhe që popullizmin e ka aset të vetëm”, ka theksuar Matoshi.
