Moti në Maqedoni do të jetë me vranësira të ndryshueshme dhe më i freskët me reshje të kohëpaskohshme të shiut, të cilat në disa vende do të jenë të rrëmbyeshme të shoqëruara me bubullima.
Do të fryejë erë mesatare, kohëpaskohe e përforcuar kryesisht nga drejtimi jugperëndimor. Temeratura minimale prej 10 deri 18, ndërsa temperatura më e lartë ditore e ajrit do të lëvizë në interval prej 21 deri 28 gradë.
Në Shkup mot me vranësira dhe më i freskët me reshje të kohëpaskohshme të shiut, të cilat lokalisht do të jenë të rrëmbyeshme të shoqëruara me bubullima. Do të fryejë erë mesatare, kohëpaskohe e përforcuar dhe kryesisht nga drejtimi jugperëndimor. Temperatura do të lëvizë prej 17 deri 26 gradë.
Nga e marta nën ndikimin e masës më të freskët ajrore nga veriu moti do të jetë me vranësira të ndryshueshme dhe më i freskët me reshje të kohëpaskohshme të shiut me intensitet të dobët deri mesatar. Do të fryejë erë mesatare nga drejtimi verior, posaçërisht të martën. Temperaturat ditore do të ulen dhe nga mesi i javës së ardhshme do të lëvizin prej 16 deri 22 gradë.
