Lideri i Nismës për Kosovën, Fatmir Limaj, ka uruar të gjithë nxënësit e shkollave fillore dhe të mesme për fillimin e vitit të ri shkollor.
Ai nëpërmjet facebook-ut, ka uruar në veçanti të gjithë nxënësit e klasave të para të cilët nga kjo ditë fillojnë një etapë të re të jetës së tyre, për çka iu urojë suksese.
“Mirënjohje për të gjithë mësimdhënësit dhe prindërit, për përkushtimin dhe angazhimin, në funksion të një të ardhme më të ndritur. Uroj që ky vit shkollor të sjellë ndryshimet e dëshiruara në ngritje të standardit dhe cilësisë”, ka shkruar ai./KosovaPress/
