Kryesia e Lidhjes Demokratike të Kosovës, ka marrë pjesë në varrimin e policit Izet Demaj, i cili u vra gjatë orarit të punës në Istog.
“Polici Demaj që luftoi për Kosovën dhe idealet e lirisë atëherë kur ishte më së rëndi, u vra në mbrojtje të qytetarëve dhe pronës së Kosovës”, shkruan në faqen zyrtare të LDK-së në Facebook.
Më poshtë mund ta lexoni shkrimin e plotë të LDK-së në Facebook:
Kryesia e LDK-së bëri homazhe te varri i policit z. Izet Demaj
Sot në Koshare, një delegacion i Lidhjes Demokratike të Kosovës i udhëhequr nga kryesia e LDK-së, mori pjesë në varrimin e policit të ndjerë z. Izet Demaj, i vrarë më 27 dhjetor 2018, dhe bëri homazhe tek varri i tij.
Demaj, që luftoi për Kosovën dhe idealet e lirisë atëherë kur ishte më së rëndi, u vra në mbrojtje të qytetarëve dhe pronës së Republikës së Kosovës.
I qoftë i lehtë dheu i Kosovës!
Lavdi!
LDK – Zyra për Informim
