Departamenti amerikan dhe Sekretari i Sigurisë Kombëtare, John Kelly, ka njoftuar Kongresin se ata janë duke e marrë parasysh idenë që t’u kërkojnë refugjatëve dhe aplikantëve të vizave nga shtatë vendet me shumicë myslimane të dorëzojnë fjalëkalimet e tyre të rrjeteve sociale nga Facebook dhe faqet e tjera, si pjesë e një kontrolli të sigurisë.
“Ne duam që t’i marrim kredencialet e tyre nga rrjetet sociale dhe të pyesim: Çfarë do të bëni, çfarë do të thoni?”, i tha ai Komitetit për Sigurinë Kombëtare të martën.
“Në qoftë se ata nuk duan të bashkëpunojnë, atëherë të njëjtit nuk mund të hyjnë brenda SHBA-ve”.
Kelly i referohej shteteve si Siria, Iraku, Irani, Somalia, Sudani, Libia dhe Jemeni, qytetarët e të cilëve u ndaluan të hyjnë në SHBA me urdhër ekzekutiv të Presidentit Trump.
Kjo mënyrë, megjithatë, mbetet një sfidë ligjore, pasi një gjykatës federal e ka bllokuar zbatimin e këtij urdhri.
Administrata e Trump kërkoi nga një gjykatë federale e apelit ta përmbysur vendimin e gjykatës më të ulët.
