Një 79 vjeçar është gjetur pa shenja jete pasditën e sotme në Gjakovë. Dyshohet se i njejti ishte hedhur nga Ura e Fshejtë.
Rastin për Gazetën Express e ka konfirmuar zëdhnësja e Policisë për Rajonin e Gjakovës, Lirie Podrimaj. Podrimaj ka deklaruar se viktima është 79 vjeçari, H.A.
“Me datë 30.11.2018 në ora 14:39 policia në Gjakovë ka marr informacion nga një qytetar se kishte vërejtur një person duke u hedhur nga ura e Fshejt. Patrullat policore me tè gjitha njësitë relevante kanë dal në vendin e ngjarjes dhe kanë vërejtur një trup të pa jetë mbi sipërfaqen e ujit. Viktimë e rastit është H. A, kosovar/shqiptar i lindur në vitin 1939. Trupi i pa jetë me urdhër të prokurorit të shtetit i kthehet familjarëve”, ka thënë Podrimaj./Express
