Sot, e premte në orën 17:00 varroset 32 vjeçari nga komuna e Deçanit, që dyshohet se humbi jetën nga kontakti me rrymën.
Kryetari i komunës së Deçanit është shprehur i tronditur ndaj kësaj ngjarjeje tragjike përderisa i ka shprehur ngushëllime familjes së të ndjerit.
“Zoti u dhashtë forcë e ua lehtësoftë dhimbjen”, ka shkruar Ramosaj
Ngushëllime, për humbjen e Shpejtim Shabanajt ka shprehur edhe deputeti i LDK-së, Armend Zemaj.
Ndërkaq gjatë ditë së djeshme si pasojë e rrymës u bë e ditur se ka vdekur edhe një person në Suharekë.
Sipas Policisë, ai ishte sjellë pa shenja jete, ndërsa sipas dëshmitarëve, viktima ishte goditur nga rryma.
Në vendin e ngjarjes kanë dalë njësitë përkatëse policore, njësiti i KEDS-it dhe inspektori i punës.
Me vendim të prokurorit, trupi i pajetë dërgohet për obduksion në IML.
Rasti është duke u hetuar.
“Suharekë 07.08.2019-15:45. Raportohet se është sjellë pa shenja jete viktima mashkull K-Shqiptar. Sipas dëshmitarëve viktima ishte goditur nga rryma. Në vendin e ngjarjes kanë dal njësitë përkatëse policore, njësiti i KEDS dhe inspektori i punës. Me vendim të prokurorit, trupi i pa jetë dërgohet për obduksion në IML. Rasti nën hetime”, shkruhet në njoftim të policisë.
