Kreu i “Partisë së fortë”, Visar Arifaj, apo siç njihet ndryshe “kryetari legjendar”, është detyruar që të heqë dorë nga biznesi i tij, në mënyrë që ta ushtrojë pozitën e asamblistit në Komunën e Prishtinës.
Kjo pas ankesave që Agjencia Kundër Korrupsionit ia ka bërë Arifajt se lidhur me ushtrimin e detyrës së tij si asamblist ekziston konflikti i interesit, shkruan Gazeta Express.
Arifaj është kontaktuar nga AKK-ja lidhur me situatën në të cilën gjendet si dhe ndryshimet që ai do duhet t’i bëjë për ta shmangur konfliktin e interesit.
“Kryetari legjendar”, pas ankesave të AKK-së, ka bërë ndryshimet dhe ka hequr dorë nga biznesi i tij.
E ndërkohë në deklarimin e pasurisë që Visar Arifaj ka bërë në këtë institucion, shihet se ai është njëri ndër politikanët më të pasur në vend. Vetëm një pikturë e tij kushton 1 miliardë euro.
