Njëri prej udhëheqësve të NISMA’së për Kosovën, Jakup Krasniqi, ka thënë se pozita dhe as opozita s’janë pajtuar për kurrëfarë drafti për shënimin e vijës kufitare me Malin e Zi. Pas takimit me Mogherinin, Krasniqi ka thënë se palët janë në pozicionet e vjetra. Ndërsa, ka kërkuar që vendi të shkojë në zgjedhje derisa demarkacioni në arbitrazh.
Njëri prej udhëheqësve të NISMA’s, Jakup Krasniqi ka thënë se pozita dhe opozita s’kanë ndryshuar qëndrim për sa i përket demarkacionit me Malin e Zi edhe pas takimit që kanë pasur sot me Frederica Mogherinin, Zyrtaren e Lartë të BE’së.
Krasniqi ka thënë për Gazetën Express se në takim vetëm janë përsëritur qëndrimet e palëve përballë zyrtarëve të BE’së. Derisa ka thënë se duhet të shkohet në zgjedhje të reja derisa demaracioni të zgjidhet në Gjykatën Ndërkombëtare të Arbitrazhit.
“Secili i tha mendimet e veta dhe ashtu mbeti”, ka thënë Krasniqi për Express.
“Ne e kemi qëndrimin për demakracion dhe kemi mbetur ne ato qëndrime. Ne mendojmë se duhet konsensus. Ta dërgojmë çështjen në Kuvend. Të mos votohet dhe të hapen procedurat e reja”, ka thënë ai.
“Zgjedhjet e reja dhe demarkacioni të shkojë në arbitrazh”, ka shtuar Krasniqi.
Mogherini ka takuar sot Isa MUstafën, Kadri Veselin, Visar Ymerin, Ardian Gjinin, Jakup Krasniqin e Sllavko Simicin, me të cilët ka folur për demarkacionin dhe liberalizimin. Takimin e ka zhvilluar me të gjithë bashkërisht në Zyrat e BE’së.
