Ish kryetari i Kuvendit të Kosovës, Jakup Krasniqi në lidhje me fillimin e hetimeve për privatizimin e hidrocentraleve, ka shkruar ne Facebook se nëse vërtetë Prokuroria Speciale ka nisur këtë hetim, duhet përshëndetur, por kjo është tepër pak, pasi hetimin Prokuroria Speciale duhet ta shtrijë në gjithë procesin e privatizimit.
Shkrimi i plotë i Krasniqit:
Nëse vërtetë, Prokuroria Speciale ka nisur ketë hetim, duhet përshëndetur, por kjo është tepër pak, pasi hetimin Prokuroria Speciale duhet ta shtrijë në gjithë procesin e privatizimit e sidomos të atyre Ndërmarrjeve që janë privatizuar me Spinof special. Bile, fillimi i hetimeve për këto ndërmarrje do të ishte i domosdoshëm.
Ne një situatë të tillë, nuk ka si mos të shtrohet pyetja: Pse deri më tani ka heshtur Prokuroria e Shtetit dhe pse vazhdon të heshtë Prokuroria Speciale? Kush duhet ta mbrojë pasurinë publike e kombëtare, nëse ketë nuk e bëjnë institucionet përgjegjëse të shtetit tonë?
