Komuna e Prishtinës gjatë ditës së sotme i ka rrënuar shtëpitë që ishin të ndërtuara në pronën komunale të Hajvalisë. Gjatë aksionit kanë marrë pjesë edhe forcat policore për të shmangur incidentet me banorët e shtëpive.
Banorët të revoltuar nuk kanë pranuar fillimisht t’i lirojnë shtëpitë dhe është dashur ndërhyrja e policisë, transmeton “TV Arta”.
Kryefamiljarët kanë qëndruar nën përcjellje të Njësisë Speciale, derisa ekskavatorët e Inspektoratit të Komunës kanë përfunduar rrënimin e pesë shtëpive.
Banorët më pas kanë qëndruar te Banesat Sociale, që ndodhen në këtë lagje, duke kërcënuar Komunën se nëse nuk u bëjnë zgjidhje për banim do të qëndrojnë në këto banesa.
