Sa filxhanë kafeje ju duhen për të qëndruar të kthjellët në mëngjes?
Nëse përgjigjja është shumë, atëherë një super kafe me një sasi të madhe kafeine, mund t’ju mbajë të zgjuar e të kthjellët për goxha shumë kohë.
Një kafe në qytetin Adelaide të Australisë, po servon “Asskicker”, një kafe që është e fortë aq sa katër kafe expresso, ka qumësht dhe përmban 80 herë më shumë kafeinë se sa një kafe e zakonshme, shkruan CNN.
Kjo pije e cila duhet të konsumohet dalë-ngadalë, 3-4 orë, zotohet t’i mbajë të kthjellët adhuruesit e kafesë deri në 18 orë në ditë.
Përderisa një espresso normale, siç e ka definuar Departamenti Amerikan i Agrikulturës, përmban 63 miligramë kafenë, kjo pije përmban 5 gramë kafeinë.
Agjencia Ushqimore e Shteteve të Bashkuara të Amerikës, ka deklaruar se për shëndet të mirë, limiti i konsumimit të kafeinës në ditë është 400 miligramë, dhe nëse kjo tejkalohet, mund të ketë pasoja negative në shëndet.
