Rita Ora po konsiderohen si një prej këngëtareve më të suksesshme shqiptare në botë.
Ajo po vazhdon të shkëlqej me suksese të njëpasnjëshme me koncerte dhe këngë të reja që po sjellë në treg.
Krahas saj, Rita po pasurohet edhe në saje të sukseseve në vitet e fundit duke arritur edhe shifra prej milionave.
Sipas portalit të njohur “Net Worth” pasuria e 27 vjeçares Ora kap shifrat rreth 16 milionë dollarë.
E gjithë kjo në saje të albumeve dhe filmave ku është paraqitur gjatë gjithë karrierës së vetë këngëtarja, e cila ka lindur në Kosovë ndërsa jeton në Londër.
Rita u bë edhe më e njohur në saje të karakterit të Mia Grayt në filmin “Fifty Shades of Gray”, i cili u shfaq në kinematë botërore para tre vjetësh.
Edhe këngëtarja tjetër shqiptare, Dua Lipa, nuk e lë keq me milionat e fituar.
Pasuria e 22-vjeçares Dua Lipa, e cila është duke punuar në albumin e ri, sipas portalit të lartcekur, kap shifrat rreth tre milionë dollarë.
Këngëtarja ka lindur në Londër prej prindërve shqiptarë ndërsa për një kohë ka jetuar edhe në Kosovë.
Ajo u bë e njohur më tepër në saje të hitit “New Rules”, i cili është shikuar deri më tani mbi një miliard herë në YouTube.
Ndryshe, Rita para disa muajsh ka mbajtur një koncert madhështor në Prishtinë ndërsa Dua ka paralajmëruar një të tillë gjatë verës së këtij viti në kryeqytetin e Kosovës. /Telegrafi/
