Komisioni Evropian nisi sot një procedurë disiplinore kundër Polonisë pas publikimit të një ligji të ri që, sipas Brukselit, dobëson pavarësinë e gjykatave polake.
“Komisioni Evropian nisi një procedurë disiplinore kundër Polonisë, nëpërmjet një njoftimi zyrtar, pas publikimit në Fletoren Zyrtare të Ligjit për Juridiksionet e së Drejtës së Përbashkët, të premten më 28 korrik”, theksoi komisioni në një komunikatë.
Ekzekutivi evropian i ka dhënë një muaj kohë Polonisë për t’u përgjigjur për këtë procedurë që mund të çojë në sanksione financiare.
