Ish çifti Katy Perry dhe Orlando Bloom i kanë dhënë fund romancës së tyre. Perry ka vendosur ta thyejë heshtjen për ndarjen e tyre.
Këngëtarja e hitit “Chained to the Rhythm” dhe aktori i “Pirates of the Caribbean” kanë konfirmuar fundin e romancës së tyre ditën e mërkurë, shkruan “DailyMail”. Ndërkohë Perry ka përdorur rrjetet sociale për të treguar se ajo dhe ish i dashuri i saj do të mbeten miq dhe se askush nuk është një viktimë apo i keq, pasi ndarja ishte miqësore, transmeton KosovaPress.
Përmes rrjetin social “Twitter”, këngëtarja ka shkruar “Si thoni për një mënyrë të re të të menduarit për vitin 2017? Mund të jesh mik apo t’i duash ish-partnerët. Askush nuk është viktimë apo i keq. Shikoni të gjithë jetën tuaj”.
Së fundmi është raportuar se romanca e ish-çiftit nuk ishte menduar kurrë të merrte një drejtim serioz por ka qenë thjesht për të shijuar momentin. Çifti përflitet t’i ketë dhënë fund marrëdhënies për shkak të agjendave shumë të ngarkuara.
